erdoghan-baydin körüshüshi axirlashti
nato aliy rehberler yighinigha qatnishish üchün bélgiye paytexti biryussélgha yétip barghan türkiye jumhur reisi rejep tayyip erdoghan amérika pirézidénti jo baydin bilen körüshti.
türkiye awazi radiyosi xewiri: erdoghan bilen baydinning axbaratqa yépiq shekilde emelge ashqan körüshüshi 45 minut dawamlashti. erdoghan-baydin ayrim körüshüshi axirlashqandin kéyin, heyetler ara uchrishish ötküzüldi. rejep tayyip erdoghan bu uchrishish axirlashqandin kéyin, axbarat élan qilish yighini ötküzidu.
rejep tayyip erdoghan nato merkizide ötküzülgen axbaratqa yépiq shekilde ötküzülgen yighinlarni, firansiye pirézidénti makron bilen bashlighan bolup, arqidin engliye bash weziri boris jonson, gérmaniye bash ministiri angéla mérkél we girétsiye bash ministiri kiryakos michotakis qatarliq rehberler bilen körüshti.
rejep tayyip erdoghan tünügün (2021-yili 13-iyun) wéngiriye bash ministiri wiktor orban, litwaniye pirézidénti gitanas nawséda we latwiye pirézidénti égils léwitis bilen ayrim-ayrim körüshken idi.
