әрдоған нато йиғини даирисидә муһим учришишларни өткүзиду
түркийә җумһур рәиси рәҗәп таййип әрдоған 14-ийун (2021) белгийә пайтәхти бирйусселда өткүзүлидиған нато алий рәһбәрләр йиғинида, америка пирезиденти байдинни өз ичигә алған көп дөләтләрниң рәһбәрлири билән көрүшиду.
түркийә авази радийоси хәвири: җумһур рәис рәҗәп таййип әрдоған белгийә пайтәхти бирйусселдики нато иштабида өткүзүлидиған алий рәһәрләр йиғиниға қатнишиш үчүн, 13-ийун биурйусселға йетип бариду.
у америка пирезиденти байдин, литванийә пирезиденти гитанас навседа(Gitanas Nauseda), латвийә пирезиденти егилс левитс (Egils Levits), германийә баш министири ангела меркел, әнглийә баш вәзири борис җонсон, гиретсийә баш министири кирйакос мичотакис қатарлиқ нато дөләтлириниң рәһбәрлири билән айрим көрүшиду.
көрүшүшләрдә, натодики иттипақдашлиқ, икки тәрәп вә районлуқ мәсилиләрниң күнтәртипкә келидиғанлиқи пәрәз қилинмақта.
әрдоған-байдин көрүшүши, байдин пирезидентлиққа сайланғандин кейинки икки дөләт рәһбәрлири бир йәргә җәм болған тунҗи учришиш болиду. рәҗәп таййип әрдоған башчилиқидики түркийә һәйитиниң нато йиғинида әң әһмийәт беридиған күнтәртипи, түркийәниң райондики өзгиришләргә мунасивәтлик игилик һәқ-һоқуқлири вә хәвпсизликигә һөрмәт қилиш болиду. йиғинда, түркийәниң мәзкур мәсилиләрдики қәтий мәйдани тәкитлиниду. түркийәниң иттипақлиқ рамкисида үстигә чүшкән вәзипилирини орунлиған бир дөләт икәнлики әскәртилиш билән биргә, иттипақдашлириға террорлуққа қарши күрәш вә инсаний киризисларға үнүмлүк қарши туруш мәсилилиридә өзара һәмкарлишиш тәклиплирини қайта оттуриға қойиду.
нато вә америка қисимлири афғанистандин чекингәндин кейин йүз бериш еһтимали болған террорлуқ тәһдитлиригә қарши нато вә иттипақдашларниң йардәмлирини давамлаштуруш керәклики билдүрүлидиған йиғинда, бу даиридә, тинчлиқ мусаписиниң мувәппәқийәтлик һалда иҗра қилиниши үчүн түркийәниң өз мәсулийитини ада қилидиғанлиқи тәкитлиниду.