jék sulliwan erdoghan bilen baydinning uchrishishi üstide toxtaldi

amérika dölet bixeterlik meslihetchisi jék sulliwan jumhur rejep tayyip erdoghan bilen amérika pirézidénti jo baydinning uchrishishida sherqiy aq déngiz, süriye, iran, qarabagh we afghanistan mesililirining muzakire qilinidighanliqini éytti.

1653768
jék sulliwan erdoghan bilen baydinning uchrishishi üstide toxtaldi

türkiye awazi radiyosi xewiri: jék sulliwan aqsaray bayanatchisi jén psaki teripidin uyushturulghan kündilik axbarat élan qilish yighinigha méhman süpitide qatniship, baydinning 10-iyunda bashlinidighan yawropa ziyaritining tepsilatlirini chüshendürdi we muxbirlarning soallirigha jawab berdi.

jék sulliwan jumhur reis erdoghan bilen baydinning 14-iyun bélgiyening paytexti biryussélda ötküzülidighan shimaliy atlantik ehdi teshkilati bashliqlar yighini dairiside palanlanghan uchrishishi üstide toxtilip, «ikki rehberning sherqiy aq déngiz, süriye, iran, taghliq qarabagh qatarliq rayon xaraktérlik mesililerde keng we etrapliq muzakire témiliri bolidu» dédi.

türkiyening afghanistandiki muzakiriler we diplomatiyidiki roliningmu uchrishish kün tertipide bolidighanliqini tilgha alghan jék sulliwan, uchrishishta ikki döletning oxshashmaydighan témiliriningmu kün tertipte bolidighanliqini bildürdi.

jék sulliwan: «prézidént baydin jumhur reis erdoghanni obdan bilidu we bu ikkeylen bir-biri bilen nurghun waqitni birge ötküzgen. baydin bilen erdoghan munasiwetlerning herqaysi tereplirini közdin kechürüsh üchün bu pursettin paydilinishni tört köz bilen kütüshmekte » dédi.


خەتكۈچ: #baydin , #erdoghan

مۇناسىۋەتلىك خەۋەرلەر