түркийә исраилийәниң ғәззәдики қатар қизилай җәмийитини бомбардиман қилишини әйиблиди

түркийә авази радийоси хәвири: түркийә җумһурийити ташқи ишлар министирлиқи байанатчиси баш әлчи танҗу билгич бу һәқтики бир соалға җаваб берип, «хәлқаралиқ инсаний һәқ – һоқуқниң очуқ – ашкара дәпсәндә қилиниши болған бу әпсуслинарлиқ һуҗумлар нәтиҗисидә һайатидин айрилғанларға аллаһтин мәғпирәт, йариланғанларға тез шипалиқлар тиләймиз. дост вә қериндаш қатар дөлити вә хәлқигә тәзийә билдүримиз» деди.

хәлқара җәмийәтни исраилийәниң қара – қойуқ, шундақла мувазинәтсиз күч ишлитишигә хатимә бериш вә хәлқара қанунға риайә қилишқа мәҗбурлашқа күч чиқиришни күчәйтишкә чақирған билгич: «қатар қизилай җәмийити мәркизий бинасиниң 2021 – йили 17 – май исраилийә тәрипидин бомбардиман қилиниши билән шәйх һәмәд бин хәлифә ал сани дохтурханисиниң бузғунчилиққа учришишини кәлтүрүп чиқарған һуҗумлирини қаттиқ әйибләймиз» дегәнләрни қәйт қилди.