ئەرەن زەربە بېرىش ھەرىكىتى ئارقىلىق يەتتە تېررورچى بىر تەرەپ قىلىندى

تۈركىيە ئاۋازى رادىيوسى خەۋىرى: تۈركىيە خەۋپسىزلىك كۈچلىرى، بىر تەرەپتىن بۆلگۈنچى تېررورلۇق تەشكىلاتى پ ك ك نىڭ ئىراقنىڭ شىمالىدىكى ئۇۋىلىرىنى بىتچىت قىلىشنى نىشان قىلغان پەنچە ھەربىي ھەرىكەتلىرىنى داۋاملاشتۇرۇۋاتقان بولسا، يەنە بىر تەرەپتىن تېررورلۇق تەشكىلاتىنىڭ دۆلەت ئىچىدىكى ئەزالىرىغا ئارقا – ئارقىدىن زەربە بەرمەكتە.

(تۈركىيە جۇمھۇرىيىتى) ئىچكى ئىشلار مىنىستىرى سۈلەيمان سويلۇ تۋىتتېردىكى ئادرېسىدا، تېررورچىلارغا زەربە بېرىش ھەرىكەتلىرى توغرىسىدىكى ئۇچۇرلارنى ئورتاقلاشتى.

ئۇ ئۇچۇرىدا، ئەرەن زەربە بېرىش ھەرىكىتى دائىرىسىدە شىرناقنىڭ جۇدى تېغى تۇشىمىيا رايونىدا بەش؛ دىيارباكىرنىڭ كۇلپ ناھىيەسى يايلاق تاغلىق رايونىدا ئىككى بولۇپ، يەنە يەتتە تېررورچىنىڭ بىر تەرەپ قىلىنغانلىقىنى ئۇقتۇردى.