erdoghan nigériye pirézidénti buxari we liwiye bash ministiri bilen körüshti
türkiye jumhur reisi rejep tayyip erdoghan nigériye pirézidénti buxari we liwiye milliy birleshme hökümitining bash ministiri abdulhamid dibeybe bilen téléfonda körüshti.
türkiye awazi radiyosi xewiri: jumhur reis rejep tayyip erdoghan nigériye pirézidénti buxari bilen téléfonda körüshüp, xelqaraliq jemiyetning pelestinge qilinghan hujumigha, «qanun, adalet we wijdandin yoqsun isirailiye» ge, kéreklik sawaqni bérishi üchün tirishchanliq körsetkenliklirini bildürdi.
u ikki dölet we rayonluq mesililer üstidimu toxtaldi we nigériyening pelestinliklerning toghra dewasida hemkarlishidighanliqigha ishinidighanliqini eskertti.
rejep tayyip erdoghanning liwiye milliy birleshme hökümitining bash ministiri abdulhamid dibeybe bilen ötküzülgen téléfon söhbitidimu, ikki dölet munasiwetliri we rayonluq mesilileridin bashqa, isirailiyening mesjidi eqsa, ghezze we pelestinliklerge qilinghan hujumlar muzakire qilindi.
مۇناسىۋەتلىك خەۋەرلەر
türkiyede ete (31-mart) yerlik saylam ötküzülidu
türkiye 31-mart (yekshenbe) saylam ötküzüp, yerlik rehberlik qatlimini saylap chiqidu.