erdoghan her qaysi döletlerni heriketke ötüshke chaqirdi
türkiye jumhur reisi rejep tayyip erdoghan: «pelestinde pütkül dunya körmeske salsimu, isirailiyening zulumigha razi bolmaymiz» dédi.
türkiye awazi radiyosi xewiri: jumhur reis rejep tayyip erdoghan adalet we tereqqiyat partiyesining her derijilik teshkilatliri bilen sinliq shekilde ötküzülgen héytlishish paaliyitide söz qildi.
u: «tünügün süriye chégramizni boylap qurulmaqchi bolghan térrorluq karidorigha qandaq ruxset qilmighan bolsaq, bügünmu mesjidi eqsaning mehrimige sozulghan qollargha oxshash halda qetiylik bilen qarshi chiqimiz» dédi.
u hazirghiche 19 döletning pirézidénti we hökümet bashliqliri bilen téléfonda körüshkenlikini bildürüp: «özara héytlashtuq we quddusta hemde bashqa sheherlerde yashighan weqeler toghrisidiki endishelirimizni ortaqlashtuq. qisqisi, diplomatiyeni qanat yaydurduq. isirailiyening pelestin sheherliri we quddustiki hujumlirigha qarshi chiqish insaniyening burchi. isirailiye tökken qanlargha, qilghan hörmetsizliklirige awaz chiqarmay yaki ochuq-ashkara shérik bolghanlar, bir küni nöwetning özlirige kélidighanliqini bilishi lazim» dédi.
u sözini mundaq axirlashturdi:
«isirailiyening hujumlirigha qarshi étiqadi, milliti we mezhipi néme bolushidin qetiynezer, her bir döletni, her qaysi idare-organlarni baldurraq heriketke ötüshke dewet qilimiz.»
