oqtay héyt namizidin kéyin israiliyening quddustiki qilmishlirigha naraziliq bildürdi

jumhur reis yardemchisi fuat oqtay, quddusning pelestinning paytexti bolup turushni dawamlashturidighanliqini éytti.

1638800
oqtay héyt namizidin kéyin israiliyening quddustiki qilmishlirigha naraziliq bildürdi

türkiye awazi radiyosi xewiri: jumhur reis yardemchisi fuat oqtay paytext enqerediki millet jameside héyt namizini ötigendin kéyin bayanat berdi؛ u israiliyening 1947 – yilidin béri zulum sélip kéliwatqan bir térror döliti ikenlikini bildürüp: «quddus pelestinliklerningkidur we pelestin bir musteqil dölet süpitide — inshaallah — kélechekte özi layiq orungha ige bolidu» dédi.

israiliyening bir qanche kündin buyan dawamlishiwatqan hujumlirigha dunyaning süküt qiliwatqanliqigha isharet qilghan oqtay: «quddusni mejburiy shekilde israiliyening paytexti dep étirap qildurushqa tirishiwatqan döletler bu zulumgha shériktur» dédi.

u, mesjidi eqsada pelestinliklerge qilinghan hujumlargha naraziliq bildürüp: «israiliye döliti pütünley bir térror dölitige aylandi. inshaallah bu zulum axirlishidu. néme qilsa qilsun, mesjidi eqsa musulmanlarningki, pelestinliklerningkidur» dégenlerni qeyt qildi.

u yene israiliyening mesjidi eqsa we pelestinliklerge qiliwatqan hujumlirining dawamlishiwerse bolmaydighanliqini otturigha qoyup: «mesjidi  eqsa bizning tunji qiblimizdur we tunji qiblimiz bolushni dawamlashturidu. quddus pelestinning paytextidur we paytexti bolushni dawamlashturidu» dégenlerni sözlirige ilawe qildi.



مۇناسىۋەتلىك خەۋەرلەر