ömer chelik: «nepretni étiqadqa aylanduriwalghanlar, ibadetxana köyüwatqanda tebrikleydu»
ömer chelik ijtimaiy alaqe supisi instagramning israiliye cheklimisige naraziliq bildürüp, «nepretni étiqadqa aylanduriwalghanlar, ibadetxana köyüwatqanda tebrikleydu. ijtimaiy taratqular bu nepretke qarshi küresh qilghanlarni chekleydu» dédi.
türkiye awazi radiyosi xewiri: adalet we tereqqiyat partiyesi bayanatchisi ömer chelik özining tiwittér hésabida élan qilghan bayanatida, instagramning nepret sözi dégen bahane bilen baykar shirkiti téxnika dériktori selchuq bayraqtarning mesjidi eqsadiki ot apiti jeryanida tebriklesh paaliyiti ötküzgen yehudiylarning süretlirini hembehirligenliki üchün uchurlirining cheklimige uchrighanliqi üstide toxtaldi.
ömer chelik «nepretni étiqadqa aylanduriwalghanlar, ibadetxana köyüwatqanda tebrikleydu, ijtimaiy taratqular bu nepretke qarshi küresh qilghanlarni chekleydu. esli nepret mana bu cheklimidur. nepretke qarshi küreshlirimiz dawamlishidu» dédi.
ömer chelik hembehirligen uchrida yene «bügün adimiyliq ghezzedur. bügün adimiyliq sherqiy quddustur , bügün adimiyliq mesjidi aqsadur» dégen sözlernimu ishletti.
baykar shirkiti téxnika dériktori bayraqtar özining tiwittér hésabida élan qilghan bayanatida, instagramning yazmisini nepret sözi dégen bahane bilen chekligenlikige qarita, «balilarni we puqralarni öltürüsh, ibadetxanilarni köydürüsh we buni naxsha éytip, usul otnighan halda körüsh neprettur, wehshiyliktur, qirghinchiliqtur. silerning pikir erkinliki, kishilik hoquq dégen ikki yüzlimichilikinglar halak bolghay!» dégen sözlerni ishletken idi.
