chawushoghluning diplomatik uchrishishliri dawam qilmaqta

türkiye awazi radiyosi xewiri: seudi erebistandiki rayon we ikki dölet munasiwetlirige alaqidar ziyaritini dawamlashturuwatqan dölitimiz (türkiye jumhuriyiti) tashqi ishlar ministiri mewlüt chawushoghlu, iyordaniye tashqi ishlar ministiri eymen sefedi we msiir tashqi ishlar ministiri semih shukri qatarliqlar bilen téléfonliship, pelestinning nöwettiki weziyiti we israiliyening hujumchi pozitsiyesige qarita tashlinidighan qedemler toghrisida sözleshti.

mewlüt chawushoghlu tünügünmu mushu mesilini chöridigen halda marakesh tashqi ishlar ministiri nasir burita, iran tashqi ishlar ministiri muhemmed jewad zerif, aljiriye tashqi ishlar ministiri sebri buqadum, pakistan tashqi ishlar ministiri shah mehmud qureshi, rusiye tashqi ishlar ministiri sérgéy lawrow, islam hemkarliq teshkilati bash katipi yusuf eluseymin, pelestin tashqi ishlar ministiri riyad elmaliki, tunis tashqi ishlar ministiri osman  eljerendi qatarliqlar bilen téléfonlashqanidi.