erdoghan türkiyening pelestin dewasini dawamliq qollaydighanliqini bildürdi

türkiye jumhur reisi rejep tayyip erdoghan pelestin dölet reisi mehmut abbas we hamas siyasiy biyurosining reisi ismail heniyye bilen téléfonda körüshti.

1637547
erdoghan türkiyening pelestin dewasini dawamliq qollaydighanliqini bildürdi

türkiye awazi radiyosi xewiri: jumhur reislik mehkimisi uchur-alaqe idarisi rejep tayyip erdoghanning pelestin dölet reisi mehmut abbas we hamas siyasiy biyurosining reisi ismail heniyye bilen téléfonda körüshüp, isirailiyening mesjidi eqsagha we pelestinliklerge qilghan hujumlirini muzakire qilghanliqi toghrisida bayanat élan qildi.

rejep tayyip erdoghan körüshüshte isirailiyening quddustiki hujumlirining «térrorluq» ikenlikini bildürüp, peqet musulmanlarningla emes, belki pütkül insaniyetning wijdanini zidiligen peskeshlerche hujumlirini we pelestinliklerge qilinghan zulumni qattiq eyiblidi.

u isirailiyening ishghalini toxtitish üchün islam dunyasini asas qilghan halda pütkül dunyani heriketke ötküzüp, qolidin kelgen tirishchanliqlarni körsitidighanliqlirini eskertti.

u türkiyening her daim pelestin dewasining qollighuchisi bolushni, pelestinlik qérindashlirini qollashni we quddusning izzet-hörmitini qoghdashni dawamlashturidighanliqini qeyt qildi.


خەتكۈچ: #quddus , #pelestin

مۇناسىۋەتلىك خەۋەرلەر