ناتو مانېۋىرىغا قاتنىشىدىغان تۈركىيە قىسمى رۇمېنىيەگە قاراپ ھەرىكەت قىلدى
ناتونىڭ «2021-مۇستەھكەم قوغدىغۇچى» (Steadfast Defender 2021) ناملىق مانېۋىرىغا قاتنىشىدىغان 66-ماشىنىشلاشقان پىيادە بىرىگادىسىنىڭ قوماندانلىقىدىكى ھەربىي قىسىم ۋە ئاپتوموبىللار رۇمېنىيەگە قاراپ ھەرىكەت قىلدى.
تۈركىيە ئاۋازى رادىيوسى خەۋىرى: ناتو، ئامېرىكا ۋە تىنچلىق ئۈچۈن شېرىكلىك دۆلەتلىرى ئوتتۇرىسىدا ئۇرۇشقا تەييار بولۇش، بىرلىكتە خىزمەت قىلش مېخانىزملىرىنى ئورنىتىش ئۈچۈن پىلانلانغان، 15 ناتو دۆلىتى قاتنىشىدىغان «2021-مۇستەھكەم قوغدىغۇچى» مانېۋىرى ھەمدە بۇنىڭغا ماسلاشتۇرۇلغان 26 دۆلەتتىن 30 مىڭدىن ئارتۇق ئەسكەر قاتنىشىدىغان «2021-ياۋروپا قوغدىغۇچى» مانېۋىرىدا ۋەزىپە ئۆتەيدىغان ئەسكەرلەر تەكىرتاغدىن يولغا چىقتى.
چورلۇغا ئورۇنلاشقان 66-ماشىنىشلاشقان پىيادە بىرىگادىسى قوماندانلىقىدىن مانېۋىرغا قاتنىشىدىغان قىسىمدىكى 1356 ئەسكەر، 214 ھەربىي ئاپتوموبىل ۋە باشقا ھەر خىل ھەربىي ئەسلىھەلەر بىلەن رۇمېنىيەگە قاراپ ھەرىكەت قىلدى.
بۇلغارىيەدىن رۇمېنىيەگە بارىدىغان 66-ماشىنىلاشقان پىيادە بىرىگادىسى قوماندىلىقىدىكى ھەربىي قىسىم جىنجۇ (Cincu) شەھىرىدە مانېۋىرغا قاتنىشىدۇ.
مۇناسىۋەتلىك خەۋەرلەر
ئەردوغان ئىسپانىيەدە ئىككى كۈنلۈك رەسمىي زىيارەتتە بولىدۇ
جۇمھۇر رەئىس رەجەپ تاييىپ ئەردوغان بۈگۈن ئىسپانىيەگە بېرىپ ئىككى كۈنلۈك رەسمىي زىيارەتتە بولىدۇ.