mustafa shentop islam hemkarliq teshkilatining pelestinge alaqidar bayanatini hembehirlidi
mustafa shentop türkiye büyük millet mejlisining tirishchanliqi bilen islam hemkarliq teshkilati parlaméntlar birlikining israiliyeni eyiblep bayanat élan qilghanliiqini bildürdi.
türkiye awazi radiyosi xewiri: türkiye büyük millet mejlisi (parlaménti) bashliqi mustafa shentop, türkiye büyük millet mejlisining tirishchanliqi bilen islam hemkarliq teshkilati parlaméntlar birlikiningmu israiliyening pelestin musulmanlirigha qilghan zorawanliqi we ziyankeshlikini eyiblep bayanat élan qilghanliqini éytti.
mustafa shentop tiwittér hiésabida hembehirligen uchurida, islam hemkarliq teshkilati parlaméntlar birlikining hem ingilizche hem erebche élan qilghan bayanatigha orun ajratti.
parlamént bashliqi mustafa shentop hembehirligen uchurida, islam hemkarliq teshkilati parlaméntlar birlikining bayanatidiki «quddus we muqeddes jaylirimiz bizning qizil siziqimizdur. israiliyening quddus we herem sheripning qanunluq salahiyitini özgertishni meqset qilghan tajawuzchiliq heriketlirini shundaqla pelestin xelqining qanunluq heq – hoquqlirini talan taraj qilishqa urunushlirini eyibleshni dawamlashturimiz» dégen sözlerge alahide orun berdi.
