shentop latwiyening qararini eyiblidi
türkiye büyük millet mejlisi bashliqi mustafa shentop latwiye parlaméntining oydurma «irqiy qirghinchiliq» töhmitini öz ichige alghan bir qararni qobul qilishini eyiblidi.
türkiye awazi radiyosi xewiri: shentop, latwiye parlaméntining, 6 – may küni, 1915 – yilqi weqelerni «irqiy qirghinchiliq» dep atap, maqullighan shermendilerche qarar heqqide élan qilghan bayanatida, bu qarargha qattiq naraziliq bildürüp mundaq dédi: «latwiye parlaméntining,2021 – yili, 6 – may küni, oydurma <irqiy qirghinchiliq> töhmitini öz ichige alghan qararni maqullishini qattiq eyibleymiz, bundaq qanunsiz qararni ret qilimiz, tarixiy weqeler heqqide qarar hem höküm chiqirish parlaméntlarning wezipisi bolalmaydu.»
tarixiy heqiqetlerni burmilashtin bashqa ghayisi bolmighan bu qararning qanunsiz ikenlikini tekitligen shentop, mundaq dep körsetti: «xelqara qanunghimu xilap bolghan bu qararning kündilik addiy gherezlerge asasen chiqirilghanliqi hemmige ayan.»
shentop, latwiye parlaméntining, latwiyening ishghal qilinishining 80 – yilliqi munasiwiti bilen élan qilghan bayanatida, öz döliti üchün arzu qilghanni, durus we adil pozitsiyeni, buningdin 106 yil ilgiri yüz bergen weqeler mesiliside türkiye üchün namayen qilalmasliqning wehimilik bir ziddiyet, semimiyetsiz bir xil pozitsiye ikenlikini eskertip mundaq dédi: «latwiye parlaméntini, tarixtin düshmenlik chiqiridighan radikal küchlerning éngigha ot tutashturuwétishning ornigha, ashu dewrde yüz bergen weqelerning heqiqiy mahiyitini otturigha chiqishi üchün sunuwatqan tekliplirimizge, rayonda tinchliq, huzur we muqimliq ornitish yolida körsitiwatqan tirishchanliqlirimizni qollashqa chaqirimiz.»
