түркийәниң мусулдики консулханиси қайтидин ечилиду
түркийәниң ирақниң мусул шәһиридики консулханисиниң қайтидин ечилидиғанлиқи уқтурулди.
1635382
түркийә авази радийоси хәвири: түркийә җумһурийити җумһур рәислик мәһкимиси учур – алақә ишлири идариси башлиқи фаһрәттин алтун твиттердики адреси арқилиқ байанат берип: «мусулдики консулханимиз хизмәткә чүшүшкә тәййар һаләткә кәлтүрүлүп, қайтидин хизмитини башлайду. районимизниң хатирҗәмлики вә байашатлиқи үчүн кечә – күндүз демәстин тиришчанлиқ көрситиватқан түркийә, мусулдики қериндашлиқ муһитиға қайтидин хизмәт қилиду. дөлитимиз вә районимизға хәйрлик болсун!» деди.
түркийәниң мусул баш консули мәһмәт күчүксақаллиму твиттердики адресида учур һәмбәһриләп: «пирақ ахирлашти, әмди мусулдимиз. хәйрлик болсун, йахшилиқларға васитә болсун» деди.
түркийәниң мусул консулханиси 2014 – йили даеш террорлуқ тәшкилатиниң һуҗумиға учриғандин тақиветилгәниди.