erdoghan mérkél bilen türkiye-yawropa ittipaqi munasiwetlirini muzakire qildi

türkiye jumhur reisi rejep tayyip erdoghan gérmaniye bash ministiri angéla mérkél bilen sinliq körüshti.

1634752
erdoghan mérkél bilen türkiye-yawropa ittipaqi munasiwetlirini muzakire qildi

türkiye awazi radiyosi xewiri: jumhur reislik uchur-alaqe idarisi rejep tayyip erdoghan bilen gérmaniye bash ministiri angéla mérkélning sinliq körüshkenliki toghrisida bayanat élan qildi.

bayanatta, türkiye-gérmaniye munasiwetliri we rayonluq mesililerning muzakire qilinghanliqi bildürüldi.

rejep tayyip erdoghan gérmaniyening omumiy saylam musapisi ichige kirgenlikini we buning xeyriliklerge wesile bolushini tilidi. u yéngi mezgilde, türkiye-gérmaniye munasiwetlirining salmaq shekilde istratégiyelik nezer bilen tereqqiy qilidighanliqigha ishinidighanliqini qeyt qildi.

u türkiye-yawropa ittipaqi munasiwetliride qolgha keltürülgen heriketlendürgüch küchning yoqalmasliqi kéreklikini bildürüp, girétsiyening ighwagerchilik heriketlirini dawamlashturuwatqanliqini, egede xelqaraliq qanun we wijdangha xilap bolghan «musapirlarni türkiyege ittirish» hadisilirining barghanséri köpeygen halda dawamlishiwatqanliqini, shundaq bolsimu, ijabiy küntertipni qoghdash üchün türkiyening temkin pozitsiyede boluwatqanliqini bildürdi.

u natoning imkaniyiti we qabiliyitidin paydilinip, afghanistangha bolghan yardimini eng ünümlük shekilde qandaq dawamlashturalaydighanliqi mesilisinimu muzakire qilish kéreklikini tekitlidi.

u liwiyening muqimliqi üchün bolsa, milliy ittipaq hökümitini dawamliq qollaydighanliqlirini, bu ramkida gérmaniye bilen hemkarlishishqa teyyar ikenliklirini bildürdi.



مۇناسىۋەتلىك خەۋەرلەر