numan qurtulmush: «baydin ependi amérikini erméniye lobisigha görüge tutup berdi»
adalet we tereqqiyat partiyisi muawin reisi numan qurtulmush amérika pirézidénti jo baydinning 1915-yildiki weqelerni «irqiy qirghinchiliq» dep atighanliqigha qarita, «baydin ependi amérikini erméniye lobisigha görüge tutup berdi» dédi.
türkiye awazi radiyosi xewiri: numan qurtulmush merhum ezerbeyjan prézidénti heyder eliyéw tughulghanliqining 98 - yilliqini xatirilesh paaliyiti munasiwiti bilen adalet we tereqqiyat partiyisi shundaqla yéngi ezerbeyjan partiyisi birliship uyushturghan tor yighinida nutuq sözlidi.
numan qurtulmush amérika pirézidénti jo baydinning 1915-yildiki weqelerni «irqiy qirghinchiliq» dep atishining qarabaghdiki mujadile jeryanida ishletken öktichi sözlirining dawami ikenlikini tekitlep, «(baydin) meyli néme déyishidin we meyli qandaq til ishlitishidin qetiynezer, ularning sözlirining tarixni özgertishi yaki tarixi pakitlarni özgertelishi mumkin emes. biz ochuq qilip éytip qoyimizki, baydin ependining bu sözliri asassizdur. heqiqeten siyasiy meqsetler üchün éytilghan we emeniy lobilirining könglini xosh qilish üchün tilgha alghan sözlerdur. téximu ochuqraq qilip éytip qoyayki, baydin ependi amérikini erméniye lobisigha görüge tutup berdi» dédi.
