جۇمھۇر رەئىس ئەردوغان سەئۇدى ئەرەبىستان پادىشاھى سەلمان بىلەن تېلېفونلاشتى

تۈركىيە ئاۋازى رادىيوسى خەۋىرى: جۇمھۇر رەئىسلىك مەھكىمىسى ئۇچۇر – ئالاقە ئىشلىرى ئىدارىسى، جۇمھۇر رەئىس ئەردوغاننىڭ سەئۇدى ئەرەبىستان پادىشاھى سەلمانغا تېلېفون قىلىپ، يېقىنلىشىۋاتقان قەدىر كېچىسى ۋە روزا ھېيتىنى تەبرىكلىگەنلىكىنى؛ سۆھبەت جەريانىدا ئىككى دۆلەت مۇناسىۋەتلىرى ھەمدە ئۆزئارا ھەمكارلىقنى ئىلگىرى سۈرۈش مەسىلىلىرى توغرىسىدا سۆزلەشكەنلىكىنى ئۇقتۇردى.

جۇمھۇر رەئىس ئەردوغان بىلەن پادىشاھ سەلماننىڭ 2020 – يىلى 21 – نويابىردىكى تېلېفون سۆھبىتىدە، ئىككى دۆلەت مۇناسىۋەتلىرى، شۇنداقلا نۆۋەتچى رەئىسلىكىنى سەئۇدى ئەرەبىستان ئۈستىگە ئالغان 20 دۆلەت گۇرۇھى باشلىقلار يىغىنى توغرىسىدا پىكىر ئالماشتۇرۇلغان؛ ئىككى رەھبەر، مۇناسىۋەتلەرنى گۈللەندۈرۈش ۋە ساقلىنىۋاتقان مەسىلىلەرنى ھەل قىلىش ئۈچۈن سۆھبەت لىنىيەلىرىنىڭ ئوچۇق تۇتۇلۇشى توغرىسىدا بىردەكلىك ھاسىل قىلغانىدى.