һулуси акар башчилиқидики рәһбәрләр гөлҗүк деңиз армийә қисимлирини көздин кәчүрди
дөләт мудапиә министири һулуси акар «пәнҗә-чақмақ һәрбий һәрикәтлири» дә бир тәрәп қилинған бөлгүнчи террорлуқ тәшкилати п к к ға әза террорист саниниң 68 гә чиққанлиқини елан қилди.
түркийә авази радийоси хәвири: дөләт мудапиә министири һулуси акар, армийә иштаб башлиқи йашар гүләр, деңиз армийә қомандани аднан өзбал қатарлиқ рәһбәрләр гөлҗүк деңиз армийә қисимлирини көздин кәчүрди.
минстир һулуси акар 2021-йили 23-апрел «пәнҗә-чақмақ һәрбий һәрикәтлири» ниң башланғанлиқини хатириләткән һалда: «бу һәрбий һәрикәтлиримиз мувәппәқийәтлик давамлишиватиду. бир қанчә күн алдидики һәрбий һәрикәттә бир өңкүрдә алтә террорист бир тәрәп қилинди. 23-апрелдин бүгүнгичә җәмий 68 террорист бир тәрәп қилинди» деди.
у сөзидә, қибрисниң түркийәниң миллий дәваси икәнликини тәкитләп, аралда икки дөләтлик бир қурулминиң шәрт икәнликини билдүрди. у мундақ деди:
«түркийәгә қарши тәһдит билән бир йәргә баралмайдиғанлиқлирини билишини күтмәктимиз.»
у түркийәниң әгә, шәрқий ақдеңиз вә қибристики мәйдани арқилиқ мәсилиләрни сийасий йол билән һәл қилиш издинишлириниң йолини ачқанлиқини әскәртип, түркийәниң һечкимниң земинида, сүйидә вә һәқ-һоқуқида көзиниң йоқлуқини қәйт қилди.
у: «һәммә кишиниң зәрричилик һәқ-һоқуқимизға хилаплиқ қилишқа йол қоймайдиғанлиқимизни билиши керәк» деди.