chawushoghlu silowéniye diplomatiye ministiri bilen körüshti

tashqi ishlar ministiri mewlüt chawushoghlu dölet ishliri ziyaritide boluwatqan silowéniyede diplomatiye ministiri anzé logar bilen körüshti.

1633844
chawushoghlu silowéniye diplomatiye ministiri bilen körüshti

türkiye awazi radiyosi xewiri: chawushoghlu, yawropa ittipaqining kéler qétimliq nöwetchi reislik wezipisini ötküzüwalidighan silowényening paytexti liyubilyanadiki uchrishishliri dairiside, silowéniye diplomatiye ministiri logar bilen ayrim we heyetler ara uchrishishlarni élip bardi, arqidin qoshma axbarat élan qilish yighini ötküzdi.

chawushoghlu, bu yerde qilghan sözide, uchrishishlarning nahayiti muweppeqiyetlik boluwatqanliqini eskertish bilen bir waqitta, yawropa ittipaqi döletlirining beziside kishilik hoquq saheside mesililer körülüshke bashlighanliqini, jümlidin, islam düshmenliki we anti sémitik hujumlarning ewj élip kétiwatqanliqini tekitlep mundaq dédi: «bu mesililerge qarshi hemmimiz birlikte küresh qilishimiz kérek.»

silowéniye diplomatiye ministiri anzér logarmu, chawushoghluning liwiyediki uchrishishliri we afghanistanning nöwettiki weziyiti heqqide özlirige melumat bergenlikini eskertip mundaq dédi: «bu bizge nisbeten nahayiti zor ehmiyetke ige. buningdin bashqa yene, köchmenler mesilisidiki kélishimning yéngilinishi, yawropa ittipaqi nöwetchi reislik wezipisi esnasida silowéniye üchün muhim küntertip maddiliridin biri bolidu.»

u, özara munasiwetlerni téximu chongqurlashturush mesiliside ortaq tonushqa ige ikenliklirini qeyt qildi.

chawushoghlu, uchrishishliri dairiside, islam jemiyitining bashliqi müftü nedzad grabus bilenmu bir yerge jem boldi, hemde ammiwi ortaqlishish tor bétidiki sehipiside, bu heqte élan qilghan bayanatida, mundaq dédi: «uchrishishta, silowényening paytexti liyubilyanadiki tunji jame qurulushi we islam medeniyet merkizining xizmetke kirishtülüshi munasiwiti bilen,  yéqinda wezipisidin ayrilidighan islam jemiyitining bashliqi müftü nedzad grabusni tebrikliduq, hemde toghra rehberliki we xizmetliri üchün uninggha minnetdarliq bildürduq.»



مۇناسىۋەتلىك خەۋەرلەر