erdoghan kishilik hoquq heriket pilani qararnamesini élan qildi

türkiye awazi radiyosi xewiri:erdoghan, resmiy gézitte élan qilinghan qararnamede, «erkin shexs, küchlük jemiyet؛ téximu démokratik bir türkiye» témiliq istiratégiyelik nishangha asasen, kishilik hoquq ölchemlirini yükseldürüsh meqsitide teyyarlanghan kishilik hoquq heriket pilanining, 2021 – yili, 2 – mart küni jamaetchilikke élan qilinghanliqini tekitlep mundaq dédi: «heriket pilanida,  keng dairilik qanun – belgilimilerni chiqish nuqta qilip, kishilik hoquq we erkinlikler sahelirini kéngeytishtin sirt yene, ammiwi xizmetlerning qolay behrimen bolghili bolidighan, jawabkarliq sürüshte qilinalaydighan, barawerlik, ochuq-ashkara we adilliq asasida sunulushigha munasiwetlik ölchemlerni yükseldürüsh nishan qilinmaqta. buningdin bashqa yene, qanunni ijra qilish dawamida otturigha chiqqan mesililerni hel qilish üchün yuqiri sewiyede angliqliq we téximu küchlük kishilik hoquqni qoghdash sistémisi berpa qilish közde tutulmaqta.»

u, kishilik hoquq we erkinlikke ait ölchemlerni yuqiri kötürüsh arqiliq, puqralarni razi qilishni asas qilip, démokratiyeni kücheytish musapisining yéngi heriketlendürgüch küchke érishidighanliqini tekitlidi.

heriket pilanini ünümlük yolgha qoyush we ochuq-ashkara chüshenche bilen közitish meqsitide, herqaysi ministirliqlar, dölet apparatliri, orunliri we teshkilatlarning paaliyetlirini nazaret hem riyasetchilik qilish üchün,  «kishilik hoquq heriket pilanini nazaret qilish we bahalash heyiti» quruldi.

heyet her 6 ayda bir qétim bir yerge jem bolidu hemde heyetning xizmet tertipi we pirinsipliri heyet teripidin belgilinidu.