taner jumhur reis yardemchisi fuat oqtay bilen téléfonlashti

türkiye awazi radiyosi xewiri: shimaliy qibris türk jumhuriyiti bash ministiri saner bilen fuat oqtayning téléfon söhbiti jeryanida, shiwéytsariyening jenwe shehiride ötküzülgen qibris söhbetliri hemde türkiye – shimaliy qibris türk jumhuriyiti iqtisadiy we maliye hemkarliqi kélishimi dairiside qilinidighan xizmetler toghrisida pikir almashturuldi.

bash ministir saner jumhur reis yardemchisi fuat oqtay bilen ötküzgen söhbitining nahayiti paydiliq bolghanliqini eskertti.

u, türkiyening shimaliy qibris türk jumhuriyitining wuxen wirusi (kowid – 19) yuqumini ghelibilik halda arqida qaldurushi, otturigha chiqqan iqtisadiy qiyinchiliqlarning hel qilinishi we öz – özige xoja, musteqil shimaliy qibris türk jumhuriyitining xelqara sehnidiki özige layiq orungha ige bolushi üchün özlirini toluq qollawatqanliqini tekitlidi.

ana weten türkiyening yardimi sayisida may éyidin tartip ul eslihe xizmetlirini bashlaydighanliqini we dölitining qisqa waqit ichide goya bir qurulush ornigha aylinidighanliqini bildürgen saner: «aldimizdiki künlerde kélishimning ijra qilinishi we xizmetlerning süritining éshishi üchün qilishqa tégishlik ishlar choqum qilinidu» dégenlerni sözlirige ilawe qildi.