demir: türkiyening yerlik hawa mudapie sistémiliri xizmetke kirishke bashlidi
türkiye jumhuriyiti dölet mudapie sanaiti idarisi bashliqi ismail demir, türkiye hawa mudapie sistémisining rolini jari qildurushqa bashlighanliqini éytti.
1631618
türkiye awazi radiyosi xewiri: türkiye jumhuriyiti dölet mudapie sanaiti idarisi bashliqi ismail demir türkiye radiyo - téléwiziye idarisi —TRT qaniligha bayanat berdi.
ezerbeyjan bilen bolghan alaqining dostluq we qérindashliq muhitida dawam qiliwatqanliqini tekitligen ismail demir: «qarabagh herikiti jeryanida shuni körüp yettuqki, ezerbeyjanning ana yurtini ishghaldin qutuldurush üchün nechche yil boyiche söhbet üstili etrapida körsetken tirishchanliqining bikargha kétishi, netijisiz qélishi, arqidin ishni özi hel qilip zéminlirini qayturuwélish yolida namayan qilghan qabiliyetler we mehsulatlar intayin muhim orunni igilidi» dédi.
demir, ezerbeyjanning emeliy meydanda iqtidarini namayan qilghan, özgirish peyda qilghan barliq türk mehsulatlirigha qiziqiwatqanliqini éytti.
heriket jeryanida hasil qilinghan tejribe - sawaqlar bilen birlikte, téximu küchlük bolush üchün her ikki döletning teyyar bolushi kéreklikini bildürgen demir, yerlik hawa mudapie sistémisining ishqa kirishtürülgenlikini, türkümlep ishlepchiqirishning bashlanghanliqini we ularning yetküzüp bérilidighanliqini qeyt qildi.
مۇناسىۋەتلىك خەۋەرلەر
iraq we süriyede 75 térrorchi bir terep qilindi
iraq we süriyening shimalida térrorchilargha ejellik zerbe bérilmekte.
