«tenterbiye we senette yawropagha mensup bir döletning uninggha eza bolmasliqtek bir tallishi yoq»

türkiye awazi radiyosi xewiri: türkiye jumhuriyiti muawin tashqi ishlar ministiri, qoshumche yawropa ittipaqi ishliri idarisi bashliqi bash elchi faruq qaymaqji, tenterbiye we senette yawropagha mensup bir döletning yawropa ittipaqigha eza bolmasliqtek bir tallishining yoqluqini otturigha qoydi.

türkiye büyük millet mejlisi yawropa ittipaqi maslishish ishliri komitéti tünügün adalet we tereqqiyat partiyesi shanliurfa parlamént ezasi mehmet qasim gülpinarning riyasetchilikide yighin chaqirdi؛ yighinda muawin tashqi ishlar ministiri, qoshumche yawropa ittipaqi ishliri idarisi bashliqi bash elchi faruq qaymaqji söz qildi.

yawropa ittipaqi idarisining yawropa ittipaqigha ezaliq musapiside bel qoyuwetmestin xizmet ishleshni dawamlashturghanliqini bildürgen qaymaqji: «siyasiy jehettin élip éytqanda, jughrapiye, tarix, iqtisad, soda, medeniyet, tenterbiye we senette yawropagha mensup bir döletning yawropa ittipaqigha eza bolmasliqtek bir tallishi yoq. bundaq bir heqiqetni qobul qilishimiz kérek؛ nöwette yawropa ittipaqi yawropa qitesining nahayiti yuqiri derijide qarar chiqarghuchisigha aylandi. eger biz méksika yaki ottura sherqtiki bir dölet bolghan bolsaq iduq, <yawropa ittipaqi bizge bek tesir körsitip kételmeydu> déyeleyttuq, emma bizning undaq bir tallishimiz yoq» dégenlerni qeyt qildi.

teklip qilinghan shérikchilik yaki alahide munasiwetning yawropa ittipaqi bilen türkiye otturisida emeliyettimu bar ikenlikini bildürgen qaymaqji, yawropa ittipaqi bilen tamozhna birliki munasiwiti bolghan, yawropa ittipaqining ortaq mudapie, xewpsizlik siyasetlirini türkiyede qollighan, yawropa ittipaqi pilanlirigha türkiyedek ishtirak qilghan bir döletning yoqluqini eskertti.

u, yuqiri derijilik diyalog yighinlirining we türkiye – yawropa ittipaqi bashliqlar yighinlirining muntizm shekilde chaqirilishi terepdari ikenliklirini bildürüp, bu yerdimu yawropa ittipaqining siyasiy tosalghulirining barliqini sözlirige ilawe qildi.