chawushoghlu shimaliy qibris türk jumhuriyitini toluq qollighanliqlirini bildürdi
b d t bashchiliqida qibris terepliri bilen kapaletchi döletler bolghan türkiye, girétsiye we engliyening qatnishishida, «qibris» témiliq yighin ikkinchi künige qedem qoydi.
türkiye awazi radiyosi xewiri: b d t bash katipi antoniyo gutérs konféransqa riyasetchilik qildi. konférans enqere waqti 11:20 ötkende bashlandi.
axbaratqa yépiq yighinlar b d t ning jenwe shehiridiki ishxanisida échilmaqta.
antoniyo gutérs her qaysi dölet heyetlirining bashliqliri sheripige kechlik tamaq ziyapiti béridu. konférans ete (2021-yili 29-aprél) axirlishidu.
türkiye tashqi ishlar ministiri mewlüt chawushoghlu twitétrda uchur hembehirlep: «qibris konféransida türk terepning barawer igilik hoquq we barawer xelqaraliq salahiyet nishanini we buninggha munasiwetlik teklipini toluq qolliduq» dédi.
u fédératsiye charisining, néme üchün mesilini hel qilalmaydighanliqinimu chüshendürgenliklirini eskertti. u mundaq dédi:
«adil, uzun muddetlik we dawamlashturghili bolidighan hel qilish charisi, peqet araldiki heqiqetler asasida emelge éshishi mumkin.»
shimaliy qibris türk jumhuriyiti bash ministiri ersan saner bayraq téléwiziyesining «serlewhe +» pirogrammisigha qatniship: «hazirche arzu qilghan nuqtimizgha yételmiduq, bu uchrishishlarning qandaq eks étidighanliqini birlikte körimiz» dédi.
u shimaliy qibris türk jumhuriyiti jumhur reisi ersin tatar bilen zich alaqe qiliwatqanliqlirini eskertip, b d t bash katipi antoniyo gutérsning qibris türk xelqining keskin meydanini éniq chüshengenlikini bildürdi.
u: «bügün jenwediki nahayiti aldirash bir kün bolidu. nurghun mesililer muzakire qilinidu we qandaq hel qilish pilanini békitish otturigha chiqidu. qibris türk xelqining émbargolar astida, yalghuzsizlashturushning astida yene 53 yil turushini héchkim kütmisun. emdi bu mumkin emes» dédi.
