تۈركىيە نىگېرىيەگە تەزىيە بىلدۈردى

تۈركىيە ئاۋازى رادىيوسى خەۋىرى: تۈركىيە، نىگېرىيەنىڭ بورنو ئۆلكىسىدە بىر ھەربىي ئاپتوموبىل ئەترىتىگە قارشى سادىر قىلىنغان تۈنۈگۈنكى تېررورلۇق ھۇجۇمىدا 31 ئەسكەرنىڭ جېنىدىن ئايرىلغانلىقىدىن چوڭقۇر قايغۇرغانلىقىنى بىلدۈردى.

تۈركىيە جۇمھۇرىيىتى تاشقى ئىشلار مىنىستىرلىقى بايانات ئېلان قىلىپ: «بىز بۇ قەبىھ تېررورلۇق ھەرىكىتىنى قاتتىق ئەيىبلەيمىز، ھاياتىدىن ئايرىلغانلارنىڭ ئائىلە-تاۋابىئاتلىرىدىن، دوست ۋە قېرىنداش نىگېرىيە خەلقى ۋە ھۆكۈمىتىدىن سەمىمىي ھال سورايمىز» دېگەنلەرنى قەيت قىلدى.

بوكو ھارام تېررورلۇق تەشكىلاتى تۈنۈگۈن نىگېرىيەنىڭ شەرقىي شىمالىغا جايلاشقان بورنو ئۆلكىسىدە ھەربىي ئاپتوموبىل ئەترىتىگە ھۇجۇم قىلىپ، 31 ئەسكەرنىڭ جېنىغا زامىن بولغانىدى.