erdoghan: türkke, türk xelqige «irqiy qirghinchiliq» tamghisini uralmaysiler

türkiye awazi radiyosi xewiri: jumhur reis rejep tayyip erdoghan kabént yighinidin kéyin, muhim bayanatlarni élan qildi.

u amérika pirézidénti jo baydinning 1915-yil weqelirini namda «irqiy qirghinchiliq» dégenlikige naraziliq bildürüp: «buni radikal ermenler we türkiyege qarshi bolghan guruppilarning bésimi bilen dégenlikini bilimiz. amérika we yawropa eger biz bilen tarix mesiliside musabiqige chüshmekchi bolsa, ular insanlarning yüzige qariyalmaydighan ehwalgha kélip qalidu. buni biz emes, yawropaliq tarixchilar shundaq deydu. eger irqiy qirghinchiliq deydighan ishinglar bolsa, eynekke qariwitip gep qilishinglar lazim. osmanli ermen nopusini bashqa jaylargha palimighan, peqet yérini almashturghan. ulargha bir hepte waqit bergen we qiyinchiliqi bolghanlarni mustesna tutqan. bularning sani amérika doklatliridimu eng köp bolghanda 600 ming déyilidu. emma, heqiqiy san buningdinmu az» dédi.

u eyni waqitta ermenler qirghin qilghan türklerning kolléktip mazarliqlirining nurghun jaylarda tépilghanliqini, biraq héchqandaq yerde ermenlerge tewe mazarliqlarning tépilmighanliqini alahide tekitlidi.

u: «24-aprél tarixida insaniy tiragédiyege munasiwetlik héchqandaq weqe yüz bermigen. 1915-yil 24-aprél, osmanli dölitige qarshi heriket qilghan teshkilatlarni tarqitip, 235 kattibéshi tutulghan kün. ermen qara guruhliri osmanli armiyesi yaki sheherlerni qoghdawatqan eskerler bilen toqunushmay, qolida tömürning sunuqi yoq kishilerni qirghin qilghan. barliq heqiqetler otturida tursa, qopup türkke, türk xelqige ‹irqiy qirghinchiliq› tamghisini uralmaysiler. tarixta yüz bergen weqelerni tetqiq qilish we heqiqetlerni otturigha chiqirish ishini siyasetchiler emes, tarixchilar qilishi kérek. yillardin béri déyiliwatqan ermen dewaliri mesiliside ortaq tarix komitéti qurush teklipimizge hazirghiche jawab alalmiduq» dédi.