amérika bash elchisi türkiye tashqi ishlar ministirliqigha chaqirtildi
pirézidént jo baydinning 1915-yildiki weqelerni «irqiy qirghinchiliq» dep étirap qilish xaraktérliq bayanati sewebidin amérikaning enqerede turushluq bash elchisi dawid sattérfilid türkiye tashqi ishlar ministirliqigha chaqirildi.
1627819
türkiye awazi radiyosi xewiri: amérika bash elchisi sattérfilidqa, türkiyening mezkur bayanatqa bolghan küchlük naraziliqi yetküzüldi.
tashqi ishlar ministirliqi baydinning bayanatining inawetke ige emeslikini tekitlep, «mezkur bayanatqa bolghan küchlük naraziliqimiz bash elchi sattérfilidqa yetküzüldi. héchqandaq tarixiy we qanuniy asasi bolmighan mezkur bayanatni qetiy qobul qilghili bolmaydighanliqi we pütünley ret qilghanliqimiz hemde küchlük eyibligenlikimiz bildürüldi» dédi.
sattérfilidqa baydénning bayanatining xelqara qanun jehette inawetsiz ikenliki, buning türkiye xelqini chongqur azablighanliqi we munasiwetlerde eslige keltürüsh qéyin bolghan jarahetni keltürüp chiqarghanliqi uqturuldi.