türkiye baydinning atalmish irqiy qirghinchiliq bayanatigha lenet éytti

türkiye awazi radiyosi xewiri: türkiye jumhuriyiti tashqi ishlar ministirliqi bayanat élan qilip: «amérika qoshma ishtatliri pirézidéntining 24 – aprélda qilghan 1915 – yil weqelirige alaqidar bayanatini qobul qilmaymiz we qattiq lenet éytimiz» dédi we dawamlashturup: tarixiy mesililer toghrisida höküm chiqirishqa ne exlaqiy, ne qanuniy salahiyiti bolmighan amérika pirézidéntining bayanatining héchqandaq qimmiti yoqtur» dégenlerni qeyt qildi.

«1915  - yili weqeliri toghrisida xelqara qanunda éniqlima bérilgen irqiy qirghinchiliq ibarisini ishlitish üchün zörür bolghan shertlerning héchbiri mewjut emes» déyilgen bayanatta: «bundaq bir pozitsiye tarixning qopalliq bilen burmilinishigha xizmet qilidu. yawropa kishilik hoquq mehkimisi, 1915 – yil weqelirining detalashliq éniq otturigha qoydi. yene bir tereptin, türkiyening u dewrge dair ilmiy heqiqetler nuri astida adil tekshürüsh élip bérish heqqidiki 2005 – yili otturigha qoyghan <ortaq tarix komitéti qurush> teklipi, ermen terepning buninggha qetiy yéqin yulimighan bolushigha qarimay, hélihem  küchke igidur» dégen ibarilerge orun bérildi.

bayanatta, medeniyetler böshügi dep atiliwatqan bir jughrapiyening merkizige jaylashqan we bashtin kechürgen barliq azab – uqubetlerge qarimay, insaniyetning tinchliq we xatirjemliki üchün tirishchanliq körsitishni özige shoar qilghan türkiyening, tarixi bilen yüzlishishtin héchqachan qachmighanliqi tekitlinip: «(türkiye) bu heqte amérika qoshma ishtatlirini öz ichige alghan héchkimdin ders almaydu» déyildi.