qalin: héchkimning ortaq azabimiz we tariximizni suyiistémal qilishigha yol qoymaymiz

türkiye awazi radiyosi xewiri: türkiye jumhuriyiti jumhur reislik mehkimisi bayanatchisi ibrahim qalin, 1915- yil weqeliri toghrisida toxtilip: «tarixni tar siyasiy küntertip üchün suyiistémal qilishning ne ötmüshke, ne bügünimizge paydisi yoq. biz héchkimning ortaq azabimiz we tariximizni suyiistémal qilishigha yol qoymaymiz» dédi.

ibrahim qalin tiwittérdiki adrésida ermeni fondi jemiyetliri birliki we surp birgich ermeni doxturxanisi fondi jemiyiti bashliqi béros shirinoghluning 1915- yil weqelirige alaqidar bayanatini hembehrilidi.

qalin uchurida: «tarixni tar siyasiy küntertip üchün suyiistémal qilishning ne ötmüshke, ne bügünimizge paydisi yoq. biz héchkimning ortaq azabimiz we tariximizni suyiistémal qilishigha yol qoymaymiz» dégen ibarilerge orun berdi.

ermeni fondi jemiyetliri birliki we surp birgich ermeni doxturxanisi fondi jemiyiti bashliqi béros shirinoghlu bayanat bérip: «bu mesilige siyasiy muddia bilen arilashqan amérika qoshma ishtatliri, yawropa ittipaqi we bashqa bir qisim döletlerni yaxshi niyettin yiraq dep qaraymen» dégenidi.