türkiye toqunushta ölgen chad pirézidénti üchün teziyename élan qildi

türkiye awazi radiyosi xewiri: türkiye, chad pirézidénti idris débi itnoning  xewpsizlik küchliri bilen qoralliq öktichiler otturisida yüz bergen toqunushta wapat bolghanliqidin qayghurghanliqini uqturdi.

türkiye jumhuriyiti tashqi ishlar ministirliqi yazma bayanat élan qilip: «türkiye bilen chadning dostluq we qérindashliq munasiwitige körünerlik töhpe qoshqan idris débi itnoning wapati munasiwiti bilen, dost we qérindash chad xelqi we hökümitige semimiy teziye bildürimiz» dégenlerni qeyt qildi.

bayanatta, itnoning xewpsizlik küchliri bilen qoralliq öktichiler otturisidiki toqunushta hayatidin ayrilghanliqidin qayghurush ichide xewer tépilghanliqi eskertildi.

chad armiyesi bayanatchisi azém bérmandoa aguna 20 - aprél dölet téléwiziyeside söz qilip, 68 yashliq itnoning hepte axirida döletning shimalidiki bölgünchi chad özgirish we ittipaqliq firontigha qarshi élip bérilghan heriketke qatnashqanliqini we toqunushta yarilinip qaza qilghanliqini uqturghanidi.