türkiye yüzdin artuq panahlanghuchini qutquzuwaldi

türkiye awazi radiyosi xewiri: türkiye déngiz qirghiqi mudapiesi qomandanliqi, izmirning seferhisar nahiyesi déngiz tewelikidiki ikki qolwaqta bir türküm panahlanghuchilarning barliqi toghrisidiki melum qilish uchurigha asasen, rayongha qutquzush etriti ewetip, girétsiye déngiz qirghiqi mudapiesi xadimliri teripidin türkiye terepke qaytishqa mejburlanghanliqi éniqlanghan 59 panahlanghuchini qutquzdi.

balilar we ayallarni öz ichige alghan mezkur kishiler, munasiwetlik resmiyetler axirlashqandin kéyin köchmenler idarisigha ötküzüp bérildi.

türkiye déngiz qirghiqi mudapiesi xadimliri yene, girétsiyening midilli ariligha ötüp kétish üchün kamér kémige olturup yolgha chiqqan onlarche kishining chanaqqelening aywajik nahiyesi déngiz tewelikide toxtap qalghanliqi toghrisida uchur tapshurup élip derhal heriketke ötti.

rayongha yétip barghan qutquzush etriti, girétsiye déngiz qirghiqi mudapiesi xadimliri teripidin türkiye déngiz tewelikige qaytishqa mejburlanghan 54 kishini qutquzup quruqluqqa élip chiqti.

mezkur tertipsiz köchmenler, alaqidar resmiyetlerdin kéyin aywajik chet elliklerni qayturuwétish merkizige ötküzüp bérildi.