oqtay: sh q t j asasiy qanun mehkimisining quran kursliri qarari heqqide toxtaldi

türkiye awazi radiyosi xewiri: türkiye jumhuriyiti jumhur reis yardemchisi fuat oqtay, shimaliy qibris türk jumhuriyiti asasiy qanun sot mehkimisining quran kursliri toghrisidiki qarari heqqide toxtilip: «qararning yene kélip ramizan éyida chiqirilishi wijdanimizni téximu éghir zédilidi» dédi.

jumhur reis yardemchisi fuat oqtay, jumhur reis rejep tayyip erdoghanning yolyoruqigha asasen, shimaliy qibris türk jumhuriyiti jumhur reisi ersin tatar we bash ministiri ersan saner bilen téléfonda körüshüp, asasiy qanun mehkimisining quran kurslirini taqiwétish toghrisidiki qarari we buningdin kéyin chiqirishqa bolidighan belgilimiler heqqide pikir almashturghanliqini bildürdi.

dölitimiz (türkiye jumhuriyiti) tashqi ishlar ministiri mewlut chawushoghluning tünügün ishqa ashurulghan shimaliy qibris türk jumhuriyitidiki ziyariti jeryanidimu bu mesilining muzakire qilinghanliqini eskertti.

«dölet tégishilik nazaret we kontrol qilish muhiti yaritip, barliq kishilerning din we wijdan erkinlikige kapaletlik qilishi kérek» dégen oqtay sözini dawamlashturup: «bizning dölitimizdikige oxshash, diniy ishlar bashqarmisi döletning nazariti we kontrolluqida diniy telim – terbiyeni qandaq bergen bolsa, shimaliy qibris türk jumhuriyitidimu diniy ishlar idarisining buni ishqa ashuridinmu tebiiy bir ish bolmaydu» dégenlerni qeyt qildi.

oqtay, türkiyening shimaliy qibris türk jumhuriyitide din we wijdan erkinlikining kapalet astigha élinishigha ehmiyet béridighanliqini we buni közitishni dawamlashturidighanliqini sözlirige ilawe qildi.