erdoghan chawushoghluning girétsiye tashqi ishlar ministirining heddini bildürüp qoyghanliqini éytti

erdoghan tashqi ishlar ministiri chawushoghluning girétsiye tashqi ishlar ministiri nikos déndiyasning eyibleshlirige qayturghan jawabi üstide: «tashqi ishlar ministirimiz déndiyasning heddini bildürüp qoydi. uningdin yumshaq muamile qilalmaytti» dédi.

1622722
erdoghan chawushoghluning girétsiye tashqi ishlar ministirining heddini bildürüp qoyghanliqini éytti

türkiye awazi radiyosi xewiri: jumhur reis rejep tayyip erdoghan istanbulda küntertipke munasiwetlik bayanat berdi.

u tünügün (2021-yili 15-aprél) girétsiye tashqi ishlar ministiri déndiyasning chawushoghlu bilen enqerede ötküzgen axbarat élan qilish yighinida éytqan sözliri üstide toxtilip: «nahayiti epsuski déndiyas bilen tashqi ishlar ministirimizning uchrishishida, ish oylighandek bolmidi. tashqi ishlar ministirimiz déndiyasning bu muamililiri we pozitsiyesige qarshi heddini bildürüp qoydi. uningdin yumshaq muamile qilalmaytti. démisimu xelq we dölet bolush süpitimiz bilen bizge yarashmaytti. déyishke tégishlik geplerni qilip ishni tügetken boldi» dédi.

u déndiyasning pozitsiyesini toghra körmigenlikini eskertip: «déndiyasni qobul qilghan waqtimda uninggha, türkiye biken girétsiye otturisida maslishish musapisi bolsun, bashqilarni arilashturmayli dédim» dédi.

u girétsiye hökümitining gherbiy trakyada bash muptini hazirghiche özliri wezipige teyinlewatqanliqini eskertip: «1923-yilidiki lozan shertnamisige asaslanghanda, u yerdiki bash muptini wezipige teyinlesh hoquqi yoq. biz dölitimizde patriklarni wezipige teyinlimeymiz. girétsiyediki muptilirimizni we imamlirimizni özining memuriy xadimigha oxshash wezipige teyinleydu. bundaq qilish, xelqaraliq qanungha xilap. bu munasiwetlirimizning ziyangha uchrishigha seweb bolidu. buningdin kéyin bu heqte netije alimiz déduq, emma ularda héchqandaq özgirish yoq» dédi.

chawushoghlu tünügün enqerege ziyaretke kelgen grétsiyelik mensepdéshi nikos déndiyas bilen ötküzgen muxbirlarni kütüwélish yighinida,  asassiz eyibleshlerde bolghan méhman ministirgha: «biz bu tunji uchrishishning téximu ijabiy keypiyatta dawam qilishini ümid qilattuq, emma nikol déndiyas bextke qarshi intayin qobul qilghili bolmaydighan eyibleshlerni otturigha qoydi. u aldi bilen, türkiyening grétsiyening igilik hoquqigha xilapliq qilghanliqini éytti. biz buni qobul qilalmaymiz. türkiye jumhuriyiti özining heq-hoquqlirini, bolupmu sherqiy aqdéngizda we qibris türk terepning heq-hoquqlirini qoghdashqa mesul we basqan qedemlirimizmu bu heq-hoquqlirimizni qoghdashqa qaritilghan... bu yereg kélip türkiyeni eyiblisingiz, méning bulargha jawab bérish mejburiyitim bar. yene kélip, biz türkiyede rum ortodoks az sanliqlarni, rum ortodoks dep qobul qilimiz. emma siler ‹men türk› dégen türklerni ‹yaq, sen türk emes, peqet sen musulman› déyishinglar insaniyliqqa ige emes, hem xelqaraliq qanungha uyghun emes» dégen idi.



مۇناسىۋەتلىك خەۋەرلەر