chawushoghlu malta diplomatiye ministiri bartolo bilen körüshti

tashqi ishlar ministiri mewlüt chawushoghlu xizmet ziyariti üchün paytext enqerege kelgen malta diplomatiye ministiri éwarist bartolo bilen körüshti.

1620322
chawushoghlu malta diplomatiye ministiri bartolo bilen körüshti

türkiye awazi radiyosi xewiri: dölitimiz tashqi ishlar ministiri mewlüt chawushoghlu, ammiwi ortaqlishish tor béti Twitter sehipiside élan qilghan bayanatida, malta diplomatiye ministiri éwarist bartolo bilen bolghan uchrishishida, liwiye, qibris we sherqiy aqdéngizdiki özgirishler, hemde türkiye – yawropa ittipaqi munasiwetliri, türk shirketlirining maltadiki sélinmiliri we xizmet kéngishi yighini, saghlamliq sahesi, hemkarliq imkaniyetliri heqqide muzakire élip barghanliqlirini qeyt qildi, malta diplomatiye ministiri éwarist bartoloni, iyun éyida chaqirilishi pilanliniwatqan «antalya diplomatiye munbiri» yighinigha teklip qilghanliqini bildürüldi.

ministir chawushoghlu, tünügün kechtimu, liwiye milliy birlik hökümitining diplomatiye ministiri nejla elmengush we malta diplomatiye ministiri éwarist bartolo bilen bir yerge jem bolghanliqini eskertish bilen bir waqitta, türkiyening liwiyeni dawamliq qollaydighanliqini tekitlep mundaq dégenidi: «bu tarixiy dewrde liwiyede tinchliq, muqimliqni ishqa ashurush we döletni qaytidin qurup chiqish basquchini izchil qollaymiz, tertipsiz köchmenlik mesilisini öz ichige alghan aqdéngizda huzur we amanliqning uzaq mezgillik bolushi üchün hemkarliqimiz üzlüksiz dawamlishidu.»



مۇناسىۋەتلىك خەۋەرلەر