erdoghan qirimni rusiye ishghaliyitidin qutquzushqa alaqidarortaq xitabname élan qildi

türkiye awazi radiyosi xewiri: istanbuldiki huber sariyida ötküzülgen heyetler ara uchrishishtin kéyin élan qilinghan xitabnamide, ukrainaning xelqara étirap qilghan chégrasi dairisidiki zémin pütünlüki we igilik hoquqini türkiyening shertsiz qollaydighanliqi qayta tekitlendi.

qirim aptonom jumhuriyiti we séwastopol shehiri bilen donétsik we luxensk rayonlirining ishghaliyettin azad qilinishi qatarliq ukrainaning xelqarada étirap qilinghan zémin pütünlükini eslige keltürüshni meqset qilghan heriketliride dawamliq özara maslishish qarar qilindi.

xitabnamide, rusiye fédératsiyesining qirimni qanunsiz halda özige qoshuwélish mesilisini muzakire qilish üchün «qirim munbiri» qurup chiqishmu qararlashturuldi

xitabnamide waqitliq ishghaliyet astidiki qirim aptonom jumhuriyiti we séwastopol shehiride kishilik hoquqni qoghdash we qanunsiz qolgha élinghan qirim tatarlirini öz ichige alghan barliq ukraina puqralirining qoyup bérilishi üchün xelqara qanun dairisidiki tirishchanliqlarni özara maslashqan halda dawamlashturush qarar qilindi.

ukrainaning shimaliy atlantik ehdi teshkilatigha eza bolushi kérekliki tekitligen ortaq xitabnamide yene, «shimaliy atlantik ehdi teshkilatini öz ichige alghan ikki tereplik we köp tereplik méxanizm arqiliq qara déngiz rayonining bixeterliki we muqimliqini qollashni meqset qilghan hemkarliqni ashurush qarar qilindi» déyildi.