erdoghan: islamiy unéwirsal banka qurush pikrini ishqa ashurushqa bolidu

türkiye awazi radiyosi xewiri: jumhur reis rejep tayyip erdoghan D-8 teshkilatining 10- nöwetlik bashliqlar yighinigha neq meydandin ulinish arqiliq qatnashti.

erdoghan bu bashliqlar yighinida 4 yil dawamlashqan nöwetchi reislikini bangladéshqa ötküzüp béridighanliqini tekitlep, «katibat bashqarmisigha istanbulda sahibxanliq qilghan teshkilatimiz qurulghandin buyanqi charek esirde téximu küchiyish bilen yolini dawamlashturdi» dédi.

yéqinqi bir yilda dunyagha éghir tesir körsetken kowid-19 yuqumigha qarshi küreshte xelqara hemkarliqning muhimliqi we zörürlükige hemining diqqet tartqanliqini alahide tekitligen erdoghan: «türkiye bolush süpitimiz bilen insanda sinaq qilishni bashlighan yerlik waksinimizni héchkishini arqida tashlap qoymasliq prinsipi boyiche pütkül insaniyetning paydisigha sunimiz» dédi.

erdoghan türkiye bolush süpiti bilen D-8 döletliri otturisidiki sodini  qulaylashturush üchün bir istratégiyilik höjjet teyyarlap, munasiwetlik döletlerning hemmige yollaydighanliqini bildürdi.  

erdoghan: «islamiy pul-muamile organlirining köchme meblegh éhtiyajlirini we musulman jughrapiyesining künséri éshiwatqan ul eslihe meblegh éhtiyajini birla waqitta qanduralaydighan shundaqla tor asasiy qurulmisigha ige bir islamiy unéwirsal banka qurush pikrini ishqa ashurushqa bolidighanliqigha ishinimiz, dölitimizni tashqi piriwut almashturushqa munasiwetlik xeterlerdin qoghdash üchün yerlik pul bilen soda qilishqa ehmiyet bérishimiz zörür. D-8 teshkilati almashturush bankasining bu jehettiki xizmetlirining süritini tézlashturishini paydiliq dep qaraymiz» dédi.

erdoghan hemmenlenning zulum uchrighuchilargha we namratliqqa qarshi küresh qiliwatqan pelestinlik panahlanghuchilargha hemde arakanliq, yemenlik we süriyelik panahlanghuchilarghimu ige chiqish tirishchanliqida bolush kéreklikini tekitlidi.