әрдоған: исламий уневирсал банка қуруш пикрини ишқа ашурушқа болиду

түркийә авази радийоси хәвири: җумһур рәис рәҗәп таййип әрдоған D-8 тәшкилатиниң 10- нөвәтлик башлиқлар йиғиниға нәқ мәйдандин улиниш арқилиқ қатнашти.

әрдоған бу башлиқлар йиғинида 4 йил давамлашқан нөвәтчи рәисликини баңладешқа өткүзүп беридиғанлиқини тәкитләп, «катибат башқармисиға истанбулда саһибханлиқ қилған тәшкилатимиз қурулғандин буйанқи чарәк әсирдә техиму күчийиш билән йолини давамлаштурди» деди.

йеқинқи бир йилда дунйаға еғир тәсир көрсәткән ковид-19 йуқумиға қарши күрәштә хәлқара һәмкарлиқниң муһимлиқи вә зөрүрлүкигә һәминиң диққәт тартқанлиқини алаһидә тәкитлигән әрдоған: «түркийә болуш сүпитимиз билән инсанда синақ қилишни башлиған йәрлик ваксинимизни һечкишини арқида ташлап қоймаслиқ принсипи бойичә пүткүл инсанийәтниң пайдисиға сунимиз» деди.

әрдоған түркийә болуш сүпити билән D-8 дөләтлири оттурисидики содини  қулайлаштуруш үчүн бир истратегийилик һөҗҗәт тәййарлап, мунасивәтлик дөләтләрниң һәммигә йоллайдиғанлиқини билдүрди.  

әрдоған: «исламий пул-муамилә органлириниң көчмә мәбләғ еһтийаҗлирини вә мусулман җуғрапийәсиниң күнсери ешиватқан ул әслиһә мәбләғ еһтийаҗини бирла вақитта қандуралайдиған шундақла тор асасий қурулмисиға игә бир исламий уневирсал банка қуруш пикрини ишқа ашурушқа болидиғанлиқиға ишинимиз, дөлитимизни ташқи пиривут алмаштурушқа мунасивәтлик хәтәрләрдин қоғдаш үчүн йәрлик пул билән сода қилишқа әһмийәт беришимиз зөрүр. D-8 тәшкилати алмаштуруш банкасиниң бу җәһәттики хизмәтлириниң сүритини тезлаштуришини пайдилиқ дәп қараймиз» деди.

әрдоған һәммәнләнниң зулум учриғучиларға вә намратлиққа қарши күрәш қиливатқан пәләстинлик панаһланғучиларға һәмдә араканлиқ, йәмәнлик вә сүрийәлик панаһланғучиларғиму игә чиқиш тиришчанлиқида болуш керәкликини тәкитлиди.