chawushoghlu paytext enqerede kuweyt tashqi ishlar ministiri bilen körüshti

türkiye awazi radiyosi xewiri: mewlüt chawushoghlu paytext enqerege kelgen kuweytning tashqi ishlar, qoshumche ichki kabinétqa mesul dölet ministiri ehmed nasir muhemmed essabah bilen ayrim uchrishish ötküzdi.

türkiye – kuweyt hemkarliqi qoshma komitéti yighinighimu ishtirak qilghan ikki ministir, arqidin birlikte muxbirlarni kütüwélish yighini ötküzdi.

mensepdishi bilen ikki dölet munasiwetliri we rayongha alaqidar mesililer toghrisida söhbet élip barghanliqlirini bildürgen chawushoghlu: «rayonluq mesililerde qarashlirimizning oxshashliqidin xushalliq hés qilimen. her ikki döletning rayondiki meqsiti tinchliq, muqimliq, xatirjemlik we iqtisadiy tereqqiyattin ibaret» dédi.

chawushoghlu, kuweytning rayonluq mesililerde üstige alghan muresseleshtürgüchilik rolining teqdirleshke erziydighanliqini eskertip, türkiyening kuweytning bu muhim rolini qollashni dawamlashturidighanliqini qeyt qildi.