térrorluq teshkilati ezasi 377 kishining mal - mülüki tonglitildi

türkiye awazi radiyosi xewiri: türkiye jumhuriyiti xezine we maliye ministirliqining bu mesilige munasiwetlik qarari resmiy gézitning bügünki sanida élan qilindi.

mal – mülükliri tonglitilghan 205 fethullahchi térrorluq teshkilati ezasi ichide teshkilatning kattibéshi fethullah gülenning ismi aldinqi qatardin orun aldi. tizimlikte yene mezkur teshkilatning ezaliridin hamdi aqin ipek, ekrem dumanli, hidayet qaraja, abdullah ayaz, ahmet qurujan, jemal ushak, jewdet türkyolu, mustapa özjan, mustapa yéshil, önder aytach we sherif eli tekalan qatarliqlarning isimlirimu orun aldi.

p k k/k j k térrorluq teshkilatining 77 ezasining mal – mülükliri tonglitildi؛ teshkilatning kattibéshi murat qarayilan, eli haydar qaytan, jemil bayik, duran qalqan, hülya oran, fehman hüseyin we ferhat abdi shahin qatarliqlarning isimliri tizimlikke kirgüzüldi.

mal – mülükliri tonglitilghan d h k p/ j térrorluq teshkilatining toqquz ezasi ichide musa aghaoghlu bilen hüseyin fewzi tekinningmu ismi orun aldi.

bulardin bashqa daésh térrorluq teshkilati ezasi 86 kishining türkiyediki mal – mülükliri tonglitildi.