konyada herbiy ayropilan qazagha uchrap bir uchquchi shéhit boldi

türkiye awazi radiyosi xewiri: türkiye jumhuriyiti dölet mudapie ministirliqi bayanat élan qilip: «konyada meshiq jeryanida hadisige uchrighan hawa armiyemizning NF-5 ayropilani uchquchisi shéhit boldi» dédi.

rayongha köp sanda sehiye we ot öchürüsh etriti ewetildi, zhandarma etretliri rayonda bixeterlik tedbirlirini kücheytti.

hadisining yüz bérish sewebining tekshürülüwatqanliqigha isharet qilinghan bayanatta: «qehriman uchquchimizgha allahtin rehim – shepqet, musibetlik ailisige, türkiye armiyesige we ulugh türk xelqige teziye we sewr tileymiz» dégen ibarilerge orun bérildi.

jumhur reis rejep tayyip erdoghanmu ijtimaiy alaqe toridiki adrésida uchur hembehrilep, konyada bir meshiq ayropilanining meshiq esnasida qazagha uchrap, uchquchisining shéhit bolghanliqidin chongqur qayghurush ichide xewer tapqanliqini bildürdi.

erdoghan uchurida: «shéhitimizgha allahtin rehmet tileymen, ailisige, yéqin – yoruqlirigha, türkiye armiyemizge we xelqimizge teziye  bildürimen» dégenlerni qeyt qildi.