ilham eliyéw selchuq bayraqtargha «qarabagh médali» teqdim qildi

ezerbeyjan pirézidénti ilham eliyéw bayraqtar shirkiti mudiri selchuq bayraqtargha «qarabagh médali» teqdim qildi.

1613006
ilham eliyéw selchuq bayraqtargha «qarabagh médali» teqdim qildi

türkiye awazi radiyosi xewiri: ezerbeyjan pirézidénti ilham eliyéw, paytext bakuda ziyarette boluwatqan selchuq bayraqtar bilen herbiy éléktron sanaiti shirkiti — aselsanning idare heyiti bashliqi we bash mudiri xaluq görgünni qobul qildi.

uchrishishta, mudapie sahesidiki hemkarliq, qarabagh urushining yönilishini özgertken uchquchisiz hawa apparatliri we téxnologiye sahesidiki yéngiliqlar toghrisida pikir almashturuldi.

uchrishishning axirida pirézidént ilham eliyéw, ezerbeyjan zémini bolghan taghliq qarabaghning azad qilinishigha töhpe qoshqan esker we puqralargha bérish üchün yolgha qoyghan «qarabagh médali»ni selchuq bayraqtargha teqdim qildi.

bayraqtar shirkiti teripidin ishlepchiqirilghan qoralliq uchquchisiz hawa apparatliri taghliq qarabaghning azad qilinishida muhim rol oynighanidi.

selchuq bayraqtar özining twittérdiki adrisida uchrishish toghrisida bayanat bérip: «dadam özdemir bayraqtar we akam xaluq bayraqtar bilen birlikte ezerbeyjan pirézidénti hörmetlik ilham eliyéw teripidin <qarabagh médali> gha layiq körülgenlikimizdin küchlük iptixarlanduq. bir millet, ikki döletning ortaq kélechiki üchün xizmet qilishni dawamlashturimiz» dégenlerni qeyt qildi.



مۇناسىۋەتلىك خەۋەرلەر