türkiye mozambikte dawamlishiwatqan térrorluq hujumlirini eyiblidi

türkiye awazi radiyosi xewiri: türkiye tashqi ishlar ministirliqi teripidin élan qilinghan yazma bayanatta, mozambikning shimalidiki kabo délgado ölkiside 24 – marttin buyan dawamlishiwatqan térrorluq hujumlirida hayatidin ayrilghanlarning yéqin – yoruqlirigha teziye bildürülüp, yarilanghanlargha shipaliq tilinip, mundaq déyildi: «dost dölet mozambik xelqi we hökümitining derd – elemlirini ortaqlishimiz, rayonda eng qisqa waqit ichide tinchliq we muqimliq ornitilishini ümid qilimiz.»

mozambik, tebiiy gaz we qimmetlik kan menbeliri mol tanzaniye chégrasidiki kabo délgado ölkiside buningdin 4 yil ilgiri otturigha chiqqan térrorluq teshkilati ensarussünnege qarshi rus we jenubiy afriqaliq yallanma eskerlerdin yardem almaqta.

teshkilatning hujumlirida hazirghiche 2 mingdin artuq kishi hayatidin ayrildi, 1.3 milyon kishi bixeterlik kirizisige duch keldi.

mozambikte ensarussünne teshkilatining puqralargha qaratqan hujumliri sewebidin 670 ming kishi öy – makanlirini terk etti.

térrorluq hujumlirini élip bériwatqan we térrorluq teshkilati daésh bilen chétishliqi barliqi ilgiri sürülüwatqan qoralliq guruppa, yerlik xelq arisida «eshshebab» dep atilidu.