erdoghan xelqara jemiyetke waksina heqqide chaqiriqta boldi
jumhur reis rejep tayyip erdoghan öz puqralirining waksina emlesh éhtiyajini qandurallaydighan sewiyege yetken döletlerni artuq waksinilirini éhtiyajliq bashqa döletlerge yardem bérishke chaqirdi.
türkiye awazi radiyosi xewiri: jumhur reis erdoghan, birleshken döletler teshkilati teripidin, dölet we hökümet bashliqlirining ishtirak qilishida ötküzülgen, «<kowid – 19> yuqumidin kéyinki basquchta iqtisadiy tereqqiyatni meblegh bilen teminlesh arqiliq kapaletke ige qilish» témiliq tor yighinigha yollighan widéoluq signalida, mundaq dédi: ««nopusining hemmisige dégüdek waksina emligen döletler bar bolsimu, lékin milyardlighan kishilerning, hetta tunji qétim waksinigha érishelmeywatqan insanlarning bar bolushi, pütkül insaniyetni qattiq endishige salmaqta. bu nuqtidin élip éytqanda, ‹kowid – 19› waksinisi mesilisi nahayiti éghir bir mesile bolup qaldi, biz dunyadiki 100 ge yéqin döletning téxi waksinigha érishelmeywatqanliqini körüwatimiz. halbuki, waksinining adil ishlitilishige kapaletlik qilmay turup, yuqumning axirlashmaydighanliqi we iqtisadning eslige kelmeydighanliqi éniqtur. öz puqralirining waksina emlesh éhtiyajini qandurallaydighan sewiyege yetken döletler, artuq waksinilirini éhtiyajliq bashqa döletlerge yardem bérishi kérek.»
u yene, yerlik waksina tetqiq qilip yasash paaliyetliri tamamlanghandin kéyin, bu waksinini eng paydiliq sharaitta pütkül insaniyetning ishlitishige sunushni pilanlawatqanliqlirinimu sözlirige ilawe qildi.
