әрдоған хәлқара җәмийәткә ваксина һәққидә чақириқта болди

җумһур рәис рәҗәп таййип әрдоған өз пуқралириниң ваксина әмләш еһтийаҗини қандураллайдиған сәвийәгә йәткән дөләтләрни артуқ ваксинилирини еһтийаҗлиқ башқа дөләтләргә йардәм беришкә чақирди.

1611215
әрдоған хәлқара җәмийәткә ваксина һәққидә чақириқта болди

түркийә авази радийоси хәвири: җумһур рәис әрдоған, бирләшкән дөләтләр тәшкилати тәрипидин, дөләт вә һөкүмәт башлиқлириниң иштирак қилишида өткүзүлгән, «<ковид – 19> йуқумидин кейинки басқучта иқтисадий тәрәққийатни мәбләғ билән тәминләш арқилиқ капаләткә игә қилиш» темилиқ тор йиғиниға йоллиған видеолуқ сигналида, мундақ деди: ««нопусиниң һәммисигә дегүдәк ваксина әмлигән дөләтләр бар болсиму, лекин милйардлиған кишиләрниң, һәтта тунҗи қетим ваксиниға еришәлмәйватқан инсанларниң бар болуши, пүткүл инсанийәтни қаттиқ әндишигә салмақта. бу нуқтидин елип ейтқанда, ‹ковид – 19› ваксиниси мәсилиси наһайити еғир бир мәсилә болуп қалди, биз дунйадики 100 гә йеқин дөләтниң техи ваксиниға еришәлмәйватқанлиқини көрүватимиз. һалбуки, ваксининиң адил ишлитилишигә капаләтлик қилмай туруп, йуқумниң ахирлашмайдиғанлиқи вә иқтисадниң әслигә кәлмәйдиғанлиқи ениқтур. өз пуқралириниң ваксина әмләш еһтийаҗини қандураллайдиған сәвийәгә йәткән дөләтләр, артуқ ваксинилирини еһтийаҗлиқ башқа дөләтләргә йардәм бериши керәк.»

у йәнә, йәрлик ваксина тәтқиқ қилип йасаш паалийәтлири тамамланғандин кейин, бу ваксинини әң пайдилиқ шараитта пүткүл инсанийәтниң ишлитишигә сунушни пиланлаватқанлиқлириниму сөзлиригә илавә қилди.



مۇناسىۋەتلىك خەۋەرلەر