«eren – 12 güleshli» herbiy herikiti bashlandi

türkiye awazi radiyosi xewiri: türkiye ichki ishlar ishlar ministirliqining bildürüshiche, bölgünchi térrorluq teshkilati p k k ni dölet küntertipidin tamamen chiqiriwétish we rayonda yoshurunuwalghanliqi mölcherliniwatqan térrorchilarni bir terep qilish meqsitide, shirnaq we siirtta «eren – 12 güleshli» herbiy herikiti bashlanghan bolup, herbiy heriketke, shirnaq qoralliq saqchi qisim qomandanliq ishtabi yétekchilik we qomandanliq qilish etretliri, qoralliq saqchi qisim etretliri, qoralliq saqchi qisim alahide etretliri, saqchi alahide etretliri we amanliq saqlighuchi etretlerdin teshkil tapqan 1317 alahide xadim we 83 herbiy heriket etriti qatnashmaqta iken.

dölet ichide térrorizmni üzül - késil yoqitish meqsitide élip bériliwatqan, 2021 – yili, 11 – yanwar küni bashlanghan «eren herbiy heriketliri» dairiside, 75 yantayaqchi tutulghan, 421 ghar, iskilat we panah jay yer bilen yeksan qiliwétilgen, köp sanda oq – dora yémek - ichmek we tumush buyumliri qolgha chüshürülgen.

ichki ishlar ishlar ministirliqining bayanatida, herbiy heriket dawamida bir térrorchining bir terep qilinghanliqi, shuning bilen, bir terep qilinghan térrorchilar sanining 6 ge yetkenliki tekitlinip mundaq déyildi: «<eren herbiy heriketliri>, xelqimizning qizghin qollishi astida qetiy irade bilen muweppeqiyetlik halda izchil dawamlashmaqta.»

yene bir tereptin, chöridigen halda herbiy heriketler dawamida, süriyede «‹ firat qalqini› herbiy herikiti» rayonigha hujum qilish tyeshebbusida bolghan bölgünchi térrorluq teshkilati p k k/y p g mensubi 2 térrorchi bir terep qilinghan.