türkiye girétsiye qaytishqa mejburlighan onlarche panahlanghuchini qutquzuwaldi
izmirning cheshme we dikili nahiyeliride girétsiye déngiz qirghiqi mudapiesi xadimliri teripidin türkiye déngiz tewelikige qaytishqa mejburlanghan 71 panahlanghuchi qutquzuwélindi.
1610961
türkiye awazi radiyosi xewiri: izmirning cheshme nahiyesi déngiz tewelikide bir türküm panahlanghuchilarning barliqi toghrisida melum qilish uchuri tapshurup alghan déngiz qirghiqi mudapiesi qomandanliqi, rayongha qutquzush kémisi yollap, girétsiye déngiz qirghiqi mudapiesi xadimliri teripidin türkiye terepke qaytishqa mejburlanghan kamér kémidiki 28 panahlanghuchini qutquzup quruqluqqa élip chiqti.
yene girétsiye déngiz qirghiqi mudapiesi xadimliri teripidin kamér kémisining motorini éliwélinghandin kéyin türkiye terepke qaytishqa mejburlanghan 24 panahlanghuchi bolsa, dikili nahiyesi denizköy déngiz tewelikidin qutquzuwélindi.
türkiye déngiz qirghiqi mudapiesi qomandanliqi xadimliri yene mezkur dölet teripidin türkiye déngiz tewelikige qaytishqa mejburlanghan bir qéyiqtiki 19 panahlanghuchini qutquzup quruqluqqa élip chiqti.
ayallar we balilarni öz ichige alghan jemiy 71 panahlanghuchi munasiwetlik resmiyetlerdin kéyin köchmenler idarisigha ötküzüp bérildi.
tünügünmu chanaqqele, balikesir we mughla déngiz tewelikliride girétsiye déngiz qirghiqi mudapiesi xadimliri teripidin türkiye déngiz tewelikige qaytishqa mejburlanghan jemiy 144 panahlanghuchi qutquzuwélinghanidi.
مۇناسىۋەتلىك خەۋەرلەر
iraq we süriyede 75 térrorchi bir terep qilindi
iraq we süriyening shimalida térrorchilargha ejellik zerbe bérilmekte.
