pakistan tashqi ishlar ministiri türkiyening jammu keshmir mesilisidiki pirinspal  mewqesini maxtidi

pakistan tashqi ishlar ministiri shah mehmud qureyshi türkiyening jammu keshmir mesiliside pirinsipal mewqesini we qetiy iradilik qollashta bolup kelgenlikini  medhiyelep, buning keshmir xelqige nisbeten chong küch bolidighanliqini éytti.

1611186
pakistan tashqi ishlar ministiri türkiyening jammu keshmir mesilisidiki pirinspal  mewqesini maxtidi

türkiye awazi radiyosi xewiri: bügün tajikistanda ötküzülidighan «asiyaning qelbi istanbul: 9-nöwetlik ministirlar yighini dairiside,  paytext dushenbede uchrishishlarda boluwatqan  türkiye tashqi ishlar ministiri mewlut chawushoghlu pakistan tashqi ishlar ministiri qureyshi bilen körüshti.

mewlut chawushoghlu tiwittér hésabida yighin heqqide hembehirligen uchurida, «pakistan tashqi ishlar ministiriqérindishim shah mehmud qureyshi bilen körüshtuq. özara munasiwetlirimiz we afghanistanning tinchliq musapisige munasiwetlik eng yéngi tereqqiyatlarni muzakire qilduq» dédi.

pakistan tashqi ishlar ministirliqining bayanatida, ikki ministirning siyasiy, diplomatik, iqtisadiy we mudapie hemkarliqi qatarliq nurghun sahelerdiki özara munasiwetlerni muzakirileshkenliki shundaqla rayon xaraktérliq  mesililerdimu pikir almashturghanliqi bildürüldi.

türkiyening jammu keshmir mesiliside, pirinsipal mewqesini we qetiy iradilik qollashta bolup kelgenlikini medhiyeligen qureyshi, buning keshmir xelqige nisbeten chong  küch bolidighanliqini éytti.

ikki ministir afghanistanning tinchliq musapisidiki eng yéngi weziyetlernimu muzakirileshti we türkiyede ötküzülmekchi bolghan afghanistanning tinchliq musapisi yighini heqqide pikir almashturdi.



مۇناسىۋەتلىك خەۋەرلەر