dölet xewpsizlik kéngishi yighini chaqirilidu

dölet xewpsizlik kéngishi yighini jumhur reis rejep tayyip erdoghanning riyasetchilikide chaqirilidu.

1611046
dölet xewpsizlik kéngishi yighini chaqirilidu

türkiye awazi radiyosi xewiri: bu yilning 2 – nöwetlik yighinida, ege déngizi, sherqiy aqdéngiz we qibristiki özgirishler, türkiye armiyesining ezerbeyjan, liwiye we süriyediki paaliyetliri hem térrorizmgha qarshi küreshni öz ichige alghan istiratégiyelik mesililer heqqide muzakire élip bérilishi kütülmekte.

qarabaghda urush toxtitishni kontrol qilish we közitish meqsitide 30 – yanwar küni ishqa kirishtürülgen türkiye – rusiye ortaq merkiziy qomandanliq ishtabining paaliyetlirimu küntertipke kélishi mölcherliniwatqan yighinda, süriyede yéqindin buyan otturigha chiqiwatqan özgirishler we liwiyening nöwettiki weziyiti toghriliqmu muzakire élip bérilishi texmin qilinmaqta.

türkiye bilen girétsiye otturisida, ege déngizi we sherqiy aqdéngizdiki saqliniwatqan mesililer heqqide muzakire élip bérish üchün bashlanghan izdinish söhbetlirining hazirqi ehwaligha qarap chiqilishi kütülüwatqan yighinda, türkiye bilen shimaliy qibris türk jumhuriyitining sherqiy aqdéngizdiki xelqara qanungha asaslinidighan heq – hoquqlirini qoghdash paaliyetliri toghriliqmu muzakire élip bérilidighanliqi mölcherlenmekte.

yighinda yene, bölgünchi térrorluq teshkilati p k k/k j k/p y d/y p g, fethullahchi térrorluq teshkilati we daésh qatarliq barliq térrorluq teshkilatlirigha qarshi élip bériliwatqan herbiy heriketler, rayonluq we xelqaraliq mesililerningmu küntertipke kélishi kütülmekte.



مۇناسىۋەتلىك خەۋەرلەر