әрдоған суниң әһмийити вә инсанийәтни күтүватқан хәвп тоғрисида тохталди

түркийә авази радийоси хәвири: җумһур рәис рәҗәп таййип әрдоған, суниң пүткүл җанлиқларға охшашла инсанийәт үчүн кәм болса болмайдиған бир немәт икәнликини, пәқәт һайатимиз үчүнла әмәс, иқтисадий тәрәққийат вә гүллиниш үчүнму суниң интайин муһим амилларниң бир икәнликини әскәртти.

җумһур рәис әрдоған бәштәпә милләт қурултай вә мәдәнийәт мәркизидә чақирилған «1 – нөвәтлик су шураси (кеңиши) ечилиши вә 363 орунни коллектип хизмәткә кириштүрүш мурасими» да сөз қилип, дөләт су ишлири идариси тәрипидин қурулуши тамамланған 363 орунниң хизмәткә кириштүрүлүши билән дөләткә 427 милйон лира пайда йаритилғанлиқини билдүрди.

суниң пүткүл җанлиқларға охшашла инсанийәт үчүн кәм болса болмайдиған бир немәт икәнликини тәкитлигән әрдоған: «пәқәт һайатимиз үчүнла әмәс, иқтисадий тәрәққийат вә гүллиниш үчүнму су интайин муһим амилларниң биридур. бу еһтийаҗни изчил қамдаш үчүн исрапчилиқниң алдиниң елиниши наһайити муһим» деди.

су қислиқи сәвәбидин 2025 – йилиғичә дунйа миқйасида 700 милйондин артуқ адәмниң көчүшкә мәҗбур болуш еһтимали барлиқини оттуриға қойған әрдоған, нопус билән бирликтә ешип бериватқан ашлиқ вә енергийә тәлипи, шундақла килимат өзгиришиниң кәлгүсидә техиму вәйран қилғуч тәсирлириниң болидиғанлиқини ейтти.

түркийәдә йеқинқи 19 йилда 600 и су амбири болуп җәмий 8697 йеңи су қурулуши бәрпа қилинғанлиқини билдүргән әрдоған, )җумһурийәт қурулғанлиқиниң 100 – йили болған) 2023 кичә пүткүзүлидиған йәр асти су амбарлири санини 157 гә йәткүзидиғанлиқлирини қәйт қилди.

у йәнә, түркийә бүйүк милләт мәҗлисидә бир су қануни чиқириш тәййарлиқиниң қилиниватқанлиқини сөзлиригә илавә қилди.